Дьокуускайга “Ленские высоты” диэн хампаанньа аныгылыы моһуоннаах саҥа кыбартаалы тутарын истибит буолуохтааххыт. Бастакы хаарбыт номнуо кыыдамнаата: туох үлэ ыытыллыбытын, тутуу хаамыыта хайдах баран эрэрин билиһиннэрэр кэм кэллэ.
Тутууну иилээн-саҕалаан испит бас билээччи тохтоон, билигин үлэни биһиги хампаанньабыт салайар. Ол иһин да буолуо, кыбартыыра атыылаһан олорор эбэтэр атыылаһар былааннаах дьон кыраҕытык кэтээн олорор буолуохтаахтар. Биһиги Дьокуускайга бу бастакы бырайыакпыт, бэйэбитин саха дьонугар-сэргэтигэр көрдөрө иликпит. Ол гынан баран тутуу эйгэтигэр балай эмэ баай уопуттаахпыт, үлэлээбит 20 сылбыт устата ааппыт-суолбут үчүгэй эрэ өттүнэн иһиллэр. Екатеринбурга, Свердлов уобалаһыгар (Сысерть, Верхняй Пышма, Берёзовскай, Каменск-Уральскай), Волгоградка уонна Пермҥэ (дириэктэринэн үлэлээбиппит) уопсайа 70 кэриҥэ эбийиэги тутан үлэҕэ киллэрдибит.
Тутуллан иһэн тохтообут эбийиэги салгыы тутарга уопуттаах тэрилтэбит. Ол курдук, Екатеринбург куоракка “долгостройунан” ааттаммыт “Федерация” дьиэ-уот комплексын тутуутун тиһэҕэр тиэрдибиппит. Бастаан атын тутар хампаанньа үлэлээбитэ, ол 14 сыл устата баара-суоҕа 3,5 тыһ. кв.м. иэннээх 2,5 дьоҕус сиэксийэни туппут этэ. Уустук үлэ саҕаламмыта, хайдах эмэ гынан балаһыанньаттан тахсарга кыһаллыбыппыт. Бастаан утаа кыбартыыраны 1 кв.м. 7 тыһ. солк. атыылаабыппыт. Билигин бүтэһик сиэксийэни тута сылдьабыт, 1 кв.м. сыаната номнуо 200 тыһ. солк. тэҥнэстэ.
Биллэн турар, 6 сыл устата ырыынак сыаната уларыйдаҕа. Ол гынан баран 167 % үрдээһин диэн - уһулуччу көрдөрүү. Хайдах ситистибит? Тохтоон турбут бырайыакка күүскэ үлэлэһэн, сыл аайы сиэксийэни, сорох сылга иккилии сиэксийэни туппуппут.
Дьокуускай бырайыагын эмиэ маныаха дьүөрэлии көрөбүт. Ол гынан баран тутуу үлэтэ олус уустук: син эмиэ оҕо кэриэтэ, күн сирин көрүөр диэри үлэ бөҕөтө ыытыллар. Эппиэтинэс улахан.
Тутууну салгыы отчуоттуубут
1 №-дээх дьиэ 2-с уонна 3-с монолит сиэксийэлэрин тутан бүтэрдибит. Кырыыһатын туруорабыт. Монолит үлэтин барытын кулун тутар, муус устар, ыам ыйдарыгар түмүктүүр былааннаахпыт. Халлаан туран биэрдэҕинэ, быйыл түмүктүүр баҕалаахпыт. Блоктарынан истиэнэлэри тутуу болдьоммут бириэмэтигэр бара турар. Тиэндэр ыытан, бэнтилээссийэ систиэмэтин таҥар үлэ саҕаланна.
Кыбартыыраларга «Veka Softline» пиирмэ түннүктэрин туруордубут. Өссө “КВЕ” түннүктэрин туруоран көрөр былааннаахпыт. Хайата ордук барсарын, хаачыстыбалааҕын тэҥнээн көрүөхпүт. Быһааран баран, сааскыттан үлэ түргэн тэтимнээхтик барыаҕа.
Ааннарга эмиэ оннук. Икки атын пиирмэ ааннарын туруоруохпут, олортон талыахпыт.
Кылгастык эттэххэ, атын эбийиэктэрбитигэр курдук, Дьокуускайга “Ленские высоты” дьиэ-уот комплексын тутуута былааннаммытын курдук барар.
Санатан этэбин: “Комплимент от шеф-повара” диэн аахсыйабыт (“чистовой” өрөмүөнү босхо оҥоробут) өссө да бара турар. Ону таһынан биэс кыбартыыраны атыылаһарга табыгастаах туспа усулуобуйа баар.
Сиһилии атыы-эргиэн отделыттан ыйыталаһыҥ!