Мэҥэ Хаҥалас улууһугар уол оҕону саха төрүт үгэһигэр сыһыарыыга боччумнаах үлэ ыытыллар.
Майа сэлиэнньэтигэр олохтоох дьаһалта өйөбүлүнэн, этнопедагог, фольклорист Дорҕоон Дохсун Ворогушин иккис сылын “Барҕа” бырагырааманы үлэлэппитэ иккис сыла. Бу бырагыраама сэттэ бырайыактан турар, хас биирдии бырайыак уол оҕону иитигэ, саха төрүт үгэстэригэр сыһыарыыга, сахалыы тыыннаах эр бэртэрэ үүнэн тахсалларыгар туһуламмыт. Быйыл Дойду нэһилиэгэр “Хотуур хоһууна” бырайыакка 10 оҕо хабыллан илиинэн оттооһуҥҥа үөрэнэллэр, эт-хаан өттүнэн сайдаллар.
Бу бырайыагы өйөөн, Дойду нэһилиэгин баһылыга Федор Федоров оттуур ходуһатын туран биэрбит. Уолаттар сорохторо Дорҕоон Дохсуҥҥа иккис сылын дьарыктаналлар, сорохтор хотууру аан бастакытын туппуттар. Кинилэр кытаанах үлэттэн чаҕыйбакка, тиэхиньикэ сылдьыбат, дулҕалаах сири охсон сырылатан кэбистилэр. Майа сэлиэньэтин баһылыга Дмитрий Тихонов оҕолору кытары алтыһан, уолаттарга от охсуу үөрүйэхтэрин иҥэрдэ, бэйэтин санаатын, сүбэлэрин ыйан-кэрдэн биэрдэ.
Билиҥҥи бутуурдаах, интэриниэт, көмпүүтэр үйэтигэр маннык бырайыактар уол оҕону сөптөөхтүк иитиигэ олус улахан суолтаны ылаллара саарбахтаммат.
