Киир

Киир

Ааспыт 2020 сыл 11 ыйын түмүгүнэн өрөспүүбүлүкэҕэ 11718 оҕо төрөөбүт, ити 2019 сыллааҕар 206 кырачаанынан кыра диэн ГТАС эрэгийиэннээҕи управлениетын пресс-сулууспата иһитиннэрэр.

Кыргыттардааҕар уол оҕо элбэхтик төрөөбүт. ГТАС (ЗАГС) үлэһиттэрэ этэллэринэн, кэнники сылларга оҕо төрөөһүнэ аччаан иһэр эбит.

Саамай элбэх оҕо Дьокуускайга төрөөбүт, киин куораппытыгар 5124 кырачаан күн сирин көрбүт. Мииринэй улууһагар - 648, Нерюнгрига - 640, Мэҥэ Хаҥаласка - 422, Хаҥаласка - 378, Алдаҥҥа - 343, Ленскэйгэ - 337 оҕо төрөөбүт. "Ол да буоллар, Саха сиригэр оҕо төрөөһүнэ киһи өлүүтүн куоһарар үөрдэр - 70% да 30% утары тураллар", - диэн иһитиннэриигэ ыйыллар.

Ааспыт сыл 11 ыйын түмүгүнэн 138 оҕону ииттэ ылбыттар. Былырыын 224 оҕону иитиэх ылбыттар. 2018 сылтан ыла ГТАС туох баар аакталары барытын электроннайга көһөрөн сүҥкэн үлэни ыыппыт. Мантын ыла туох баар аакталар биир кэлим судаарыстыбаннай реестрга киирэр буолбуттар (ЕГР ЗАГС). "Саха сиригэр гражданскай турук аакталарын электроннайга көһөрүүгэ 3047961 аакта баар, онтон биһиги 1926 сылтан саҕаламмыт 3017549 аактаны электроннайга көһөрдүбүт, ол эбэтэр былааны 99 бырыһыан толорору ситистибит", - диэн управление салайааччытын э.т. Туйаара Такасаева кэпсээбит. 

Тарҕат:

Санааҕын суруй