Үлэ уонна социальнай сайдыы министиэристибэтин пресс-сулууспата иһитиннэрбитинэн, "Дьиэ кэргэн" өрөспүүбүлүкэтээҕи ийэ хапытаалын кээмэйэ 2022 сылга 144 467 солкуобайга диэри үрдээбит.
Бу төлөбүр үһүс оҕолорун төрөппүт (иитэ ылбыт) дьиэ кэргэттэргэ төлөнөр. Саҥа сылга төлөбүргэ индексация оҥорбуттар.
Маны таһынан, 2011 сыл тохсунньу 1 күнүттэн саҕалаан 803-IV №-дээх «Өрөспүүбүлүкэтээҕи ийэ хапытаалын туһунан» сокуон олоххо киирбит 2011 сыл бэс ыйын 16 күнүгэр диэри үһүс оҕоҕо биир кэмнээх өрөспүүбүлүкэтээҕи төлөбүрү ылбыт дьиэ кэргэттэргэ бу сылга эбии 102 354,88 солкуобайы төлүөхтэрэ.
