Бүгүн, от ыйын 23 күнүгэр, сэрии уонна педагогическай үлэ бэтэрээнэ, Кыһыл Сулус, Аҕа Дойду Улуу сэриитин 1-кы истиэпэннээх уордьаннарын хаһаайына, СӨ Үөрэҕириитин туйгуна, педагогика династиятын олохтооччу, Сунтаар улууһун, Тойбохой нэһилиэгин Бочуоттаах олохтооҕо Трофим Николаевич Жирков 100 сааһын туолла.
Үйэлээх үбүлүөй үөрүүлээх тэрээһинэ Трофим Николаевич төрөөбүт дойдутугар – Тойбохойго “Кыталык” култуура дьиэтигэр бүгүн ыытыллыаҕа.
Ытык-мааны Трофим Николаевичка төрөөбүт күнүнэн эҕэрдэ бастыҥын ыытабыт.
