Сахаттан бастакы атомщик учуонай Иоган Егорович Максимов быйыл муус устарга 80 сааһын туолар. Биэнсийэҕэ тахсан баран научнай үлэтин хабаанын общественнай-патриотическай эйгэҕэ салайан, кэҥэтэн үлэлээбитэ 25 сыла буолар. 2008-2012 сс. Новосибирскай судаарыстыбаннай университетыгар ЮНЕСКО кафедратыгар Евросоюз граныгар духуобунай экология диэн саҥа сүүрээни киллэрбитэ. Бу сүүрээн оҕоҕо төрөөбүт алааһын, дойдутун, дьонун, төрүт култууратын, тыл күүһэ олоххо бэлэмнээх буоларга иитэрин, булгуруйбат модун кыаҕы иҥэрэрин дакаастаабыта. 65 сааһыттан үлэлээбит хайысхатын үс пятилеткатын түмүктээн, “Ступени эколого-духовного восхождения личности к идеалу Высшего Разума - Ноосфере” диэн кинигэ суруйда. Бу үлэтин Саха сирин эрэ буолбакка, Новосибирскай, Хайалаах Алтаай, Чувашия научнай-педагогическай исписэлиистэрэ номнуо истэ-билэ, күүтэ сылдьаллар эбит. Чувашия судаарыстыбаннай педагогическай университетын проректора, педагогика дуоктара, профессор Т.Н.Петрова 2018.01.09 күнүгэр Чебоксары куораттан маннык сурук ыыппыт: “С большим интересом (пока только бегло) просмотрела Вашу рукопись. Тем не менее выловила из нее столько оригинально-неординарных раскладок понимания Человеческой Сущности и его пребывания в земном измерении. Очень сильно, как говорится, “зацепило”. Полностью поддерживаю Ваши размышления по поводу Духовности и Добра как фундаментальных категорий регуляции поведения Чело-Века в земной жизни. Буду рада иметь эту книгу как ориентир для соуправления Человеческой Судьбой”.
Иоган Егорович төрөөбүт Сахатын сирин дьонун бу кинигэ тахсарыгар көмөлөһөргө ыҥырар. "Атахпар кыанар эрдэхпинэ ыччаттары, учууталлары, педагогтары кытары туһалаах үлэнэн көрсөн кэлиэхпин баҕарабын. Сааһым тухары бэйэбин харыстаммакка, өбүгэм холобурунан сиэртибэлээхтик үлэлээн кэлбит бэтэрээн кинигэтин таһаарарга төрөөбүт дойдум дьоно, үтүө дьыала өлбөт-сүппэт сокуонунан, көмөлөһүөхтэрэ диэн эрэнэбин, 8-913-901-82-69, ватсап 8-913-388-50-47 төл., суругунан Этот адрес электронной почты защищён от спам-ботов. У вас должен быть включен JavaScript для просмотра. тахсан сибээстэһиэххитин сөп”, - диэн санаатын тиэрдэр. Биир тыһыынча кинигэ тахсар сыаната 350 тыһ.солк. Кинигэтин үбүлүөйүн кэмигэр дойдутугар кэлэн сүрэхтиэн баҕарар.
Оттон көмө харчытын Сбербаан мобильнай баанынан +7-913-726-06-32 төлөпүөҥҥэ И.Е. Максимовка диэн суруйан ыытаҕыт.
Иоган Егорович иллэрээ сыл Новосибирскайга сырыттахпына, "“Эрилик Эристиин, Кыра Хабырыыс эһэлэрим курдук норуот туһугар сиэртибэлээхтик олорон ааһар кириэс дьылҕалаах эбиппин” диэн тэбэр сүрэхпин уоскутарбар эрэ тиийэбин” диэн эппит тылларын өйдөөн кэлэбин. И.Е. Максимов Новосибирскайга саха общинатын биир салайааччытын быһыытынан үөрэххэ тиийбит саха ыччатын иитиигэ-үөрэтиигэ үйэ чиэппэрин кэриҥэ оҥорбут көмөтүн, далааhыннаах үлэтин Д.Е.Глушко миниистирдии сылдьан сөхпүт этэ. Ити кэм устата Иоган Егорович сүрэҕин сылааһын, көмөтүн өрөспүүбүлүкэ араас улуустарыттан Новосибирскайга үөрэнэ кэлбит тыһыынчанан ыччат билэн кэллэ. Ити үлүгэрдээх үлэни, атын да кыһалҕаларын аахсыбакка, буор-босхо, сүрэҕин баҕатынан, аҥаардас биэнсийэтин эрэ харчытынан олорон, оҥоро сылдьара бэйэтэ туһунан дьоруойдуу хорсун быһыы.
Мин Новосибирскайга Иоган Егоровичтыын хас да билим тэрээһиннэригэр сылдьыбытым. Саха дьоһун киһитэ төрөөбүт норуотун Сибиир билимин киинигэр бөдөҥ учуонайдар, уобалас салайааччыларын ортотугар билиҥҥэ диэри үрдүктүк сыаналата сылдьарын илэ харахпынан көрөн сөҕөн турабын.
Сахаттан соҕотох атомщик учуонайбыт тус бэйэтин, В.П.Ларионов уо.д.а саха улахан учуонайдарын олохторун холобуругар тирэҕирэн оҕону иитиигэ духуобунай экология кистэлэҥнэрин билиһиннэрэр саҥа кинигэтэ тахсарыгар көмөлөһүөҕүҥ.
Владимир Степанов.
Быһаарыы: кинигэ таһыгар Германияҕа Кассель куоракка турар “Халлааҥҥа тахсан иһэр киһи” диэн Дж.Борофски (АХШ) скульптуратын ойуута.
