Олунньу 1 күнүгэр Сунтаарга экология уонна доруобуйа сылын көрсөр үөрүүлээх тэрээһиҥҥэ, баһылык Анатолий Григорьев үс оҕону баһаартан быыһаабыт Ариан Алексеевка “За мужество в спасении” диэн Арассыыйа суруйааччыларын сойууһун наҕараадатын туттарда.
Санатабыт, ааспыт сыл сэтинньи 18 күнүгэр Сунтаарга олорор дьиэ умайан биир дьахтар суорума суоламмыта. Баһаар кэмигэр кырачаан Ариан уолуйан хаалбакка, үс оҕону быыһаан хорсун быһыыны оҥорбута.
