Уус Алдан улууһун Кэпэтинитигэр үлэ, тыыл бэтэрээнин Ульяна Пестрякованы үйэлээх үбүлүөйүнэн үөрүүлэх быһыыга-майгыга эҕэрдэлээтилэр. Бу туһунан Ил Дарха уонна бырабыыталыстыба пресс-сулууспата иһитиннэрэр.
Ытык кырдьаҕаска Владимир Путинтан открытканы, Ил Дархан Айсен Николаев эҕэрдэтин уонна “Үйэ саас” бочуот бэлиэтин туттардылар. Уус Алданнааҕы социальнай харалта үлэһиттэрэ эҕэрдэ тылын эттилэр.
Ил Дархан эҕэрдэ суругар Ульяна Петровнаҕа улуус уонна өрөспүүбүлүкэ сайдыытыгар киллэрбит сөҕүмэр кылаатын иһин махтанна уонна үтүө доруобуйаны баҕарда.
Ульяна Петровна төһө да сүүс сааһыгар үктэннэр олус сэнэх, иккис сылын хос сиэнигэр Москубаҕа кыстыыр. Кини эҕэрдэлэр иһин улаханнык махтанна, эдэр сааһын эргитэ санаата уонна ырыа ыллаан дуоратта.
