“Forbes” сурунаал Арассыыйа саамай үрдүк дохуоттаах дьокутааттарын уонна чунуобунньуктарын рейтиҥин оҥордо.
Бастакы миэстэни Владимирскай уобалас сокуон таһаарар мунньаҕын дьокутаата Павел Антов ылла. Кини “Владимирский стандарт” хампаанньаны төрүттээччи, 2018 сылга 9,97 млрд солк дохуоттаммыт.
Иккис миэстэҕэ Челябинскай уобалас сокуон таһаарар мунньаҕын вице-бэрэссэдээтэлэ, “Южуралзолото” хампаанньа кыттыгас бас билээччи Константин Струков таҕыста. Кини дохуота 4,5 млрд солк тэҥнэспит.
Оттон үһүс миэстэни Белгородскай уобалас думатын дьокутаата Сергей Гусев ылла. Кини “Славянка” кондитерскай фабрика хаһаайына, дохуота 2,84 млрд солк.
“Ростех” судаарыстыбаннай корпорация тойоно Сергей Чемезов 25-с миэстэни ылбыт. Бырамыысалынас уонна атыы-эргиэн миниистирэ Денис Мантуров — 36-с, “Ростех” корпорация индустриальнай дириэктэрэ Анатолий Сердюков — 56-с, оттон дойду бэрэсидьиэнин пресс-сэкирэтээрэ Дмитрий Песков 69-с миэстэҕэ сылдьар.
