Балаҕан ыйын 15 күнүгэр Быыһыыр сулууспаҕа, 1944 сыллаах төрүөх эр киһи сүппүтүн туһунан иһитиннэрии киирбит. Бу туһунан өрөспүүбүлүкэтээҕи Быыһыыр сулууспа пресс-киинэ иһитиннэрэр.
Дьокуускай куорат олохтоохторо Мэҥэ Хаҥалас улууһун Лоомтука нэһилиэгэр аймахтарыгар сир астыы барбыттар. Туора диэн сиргэ эр киһи биллибэт хайысханан барбыт уонна мустуохтаах сирдэригэр кэлбэтэх. Дьон бэйэлэрин күүстэринэн көрдүү сатаабыттар да буолбатахтар.
Балаҕан ыйын 16 күнүгэр икки массыынанан, квадроциклынан аҕыс быыһааччы көрдүүр үлэни саҕалаабыттар. Сарсыҥҥы күнүгэр эр киһини сүппүт сириттэн 80 км тэйиччи сылдьарын булбуттар.
