Уопсастыбанньык Антон Васильев “Якутскэкосети” тэрилтэҕэ үлэҕэ киирдэ. Ол туһунан Антон “Инстаграм” социальнай ситимҥэ суруйан таһаарбыт.
““Якутскэкосети” тэрилтэҕэ бастакы үлэм күнэ түмүктэннэ. Бу сыл сааһыттан сыппыт бөҕү хомуйдубут. Бэйэм да ыраастыах буолбутум ыраатта. Бүгүн үлэбинэн босхо массыынана хомуйдубут. Сарсын санитарнай туочукалары ыраастыам”, – диэн Антон сурутааччыларын кытта үөрүүлээх сонунун үллэстибит уонна “Якутскэкосети” тэрилтэ кэллэктиибигэр махталын тиэрдибит.
Антоны кытта үлэ дуогабара 2020 сыл алтынньы 1 күнүгэр диэри баттаммыт. Ыйдааҕы хамнаһа 50 тыһ солк. уонна бөҕү тиэйэр массыына бэриллэр.
