Бүгүн, сэтинньи 5 күнүгэр “Сэргэлээх уоттара” култуура киинигэр, “Биһиги дьоруойбут Сан Саныч” диэн биллиилээх хаартыскаҕа түһэрээччи, СӨ судаарыстыбаннай бириэмийэтин лауреата, Арассыыйа суруналыыстарын сойууһун чилиэнэ Владимир Николаевич Доброхотов хаартыскаларын быыстапката арылынна.
Үөрүүлээх тэрээһиҥҥэ СӨ ИДьМ миниистирэ, полиция генерал-мойуора Владимир Прокопенко, ХИФУ проректора Михаил Федоров, ис дьыала бэтэрээннэрин сэбиэтин бэрэссэдээтэлин солбуйааччы, полиция подполковнига Гаврил Кононов, Гордума бэрэссэдээтэлин солбуйааччы, “Водоконал” генеральнай дириэктэрэ Анатолий Кырджагасов, Ил Түмэн дьокутаата, “Ситим” медиа-бөлөх генеральнай дириэктэрэ Мария Христофорова эҕэрдэ тылларын эттилэр. Быыстапка Арассыыйа дьоруойа, ОМОН хамандыыра, милииссийэ подполковнига Александр Александрович Рыжиков сырдык кэриэһигэр ананар.
Yakutia24/Якутия24
