Бу күннэргэ "Строительнай" ырыынакка Уус Алдан улууһуттан талба талааннаахтар, тыа хаһаайыстыбатын бородууксуйатын оҥорон таһаарааччылар быыстапка-дьаарбаҥкалара буола турар.
Бу хаартыскаҕа көрөр саха мас иһиттэрин Тандаттан кэлбит Василий Иннокентьевич Калининскай оҥортообут. Соторутааҕыта “Куруһаалаҕа” буолбут “Мас Экспо-2018” тустаах хайысхаҕа кыайыылааҕабын диэтэ. Кини бу иһиттэрин урукку өбүгэлэрбит үгэстэринэн, илиинэн оҥо хаһан оҥорор эбит. “Станоктаабат буоллаҕыҥ дии?” диэн чопчулаһааччы буолан, хата, ууспун өһүргэтэ сыстым бадахтаах.
Ортотунан, биир чороону төһө өр оҥорор буолаҕын диэҥҥэ, ойуулары-мандардары олоччу бүтэрэргэ ый курдук барар диир. Маһын, биллэн турар, бэйэтэ булар, бэлэмниир. Уустуга диэн, аныгы кэмҥэ үчүгэй, толуу хатыҥы булар судургута суох, көрдөөн булаҕын.
Бу көрдөрүүгэ турартан биир чороонун атыылыырын эттэ.
