Аан дойду саамай аҕа саастааҕа – 117 саастаах Япония олохтооҕо Наби Тадзима күн сириттэн күрэннэ.
Наби Тадзима олоҕун бүтэһик ыйдарыгар балыыһаҕа орон-тэллэх киһитэ буолан сыппыт.
Кини 1900 сыллаахха атырдьах ыйын 4 күнүгэр Кагосима префектуратыгар төрөөбүт. 2015 сыллаахха эмиэ дьоппуон 115 саастаах дьахтара өлбүтүгэр, Тадзима аан дойду саамай кырдьаөас киһитинэн ааттаммыта. 115 саастаах дьахтар аатын аймахтара кимиэхэ да биллэрбэтэхтэрэ. Арай кини Токиоҕа 1900 сыллаахха кулун тутар 15 күнүгэр төрөөбүтүн эрэ туһунан биллэрэ.
Билигин аан дойду саамай уһун үйэлээх киһитинэн эмиэ 116 саастаах дьоппуон дьахтара Тие Мияко буолла.
