Мииринэй куорат ыраас буоларын туhугар МПЖХ ХЭТ үлэлиир.
Куораппыт киинигэр, сааһыра быһыытыйбыт, ол эрээри сүрдээх тэтиэнэх көрүҥнээх саха киһитэ, уулусса кытыыларын, искибиэрдэри, болуоссаттары сиппийэр, туох баар бөҕү-саҕы хомуйарын чаастатык көрсөҕүн.Ис-иhиттэн ыраас саха киhитэ уhун-киэҥ иэннээх сири хомуйар. Кини кимий?
Бу – Үөһээ-Бүлүү Сургуулугуттан төрүттээх Валерий Гаврильевич Боескоров.
Ааһан иһэн саха киһитин сиэринэн кылгастык да буоллар тыл бырахсан ааһааччыбыт.
Валерий Боескоров – ааттаах эрдэһит. Сарсыарда сэттэҕэ үлэлээн ырааппыт буолааччы. Ханнык да аам-даам тымныыга, тыалга-кууска кыhаллан-мүhэллэн үлэлии сылдьааччы. Валерий Гаврильевич «ЗЯГЭ» (Западно-Якутская геологоразведочная экспедиция) тэрилтэтигэр мэхээнньиктээбит.Ленскэй оройуонугар Таалакаан ньиэптээх-гаастаах сирдэринэн үлэлээбитин кэпсээччи.
Сааhыран эрэ баран бу МПЖХны булбут. Манна үлэлээбитэ номнуо 18 сыл буола охсубут. МПЖХ тэриллибитэ уон биэс сылын туолуутугар, соторутааҕыта Валерий Боескоров дьаныардаах үлэтэ сыаналанан, тэрилтэ дириэктэрин М.Шишков махтал суругунан бэлиэтэннэ.
Станислав Алексеев, Мииринэй куората. Ааптар фотота.
