Бэрэсидьиэн Владимир Путин Хаҥалас улууһун Тиит Арыы нэһилиэгин баһылыгын Григорий Лукины "За спасение погибавших" мэтээлинэн наҕараадалаата.
« Хорсун быһыытын, эр санаатын, ыксаллаах кэмҥэ дьону өлөр өлүүттэн өрүһүйбүтүн иһин «За спасение погибавших» мэтээлинэн Лукин Григорий Дмитриевиһи — Тиит Арыы муниципальнай тэриллиитин баһылыгын наҕараадалыырга», — диэн бэрэсидьиэн дьаһалыгар этиллэр.
Санатар буоллахха, 2018 сыл ыам ыйын 18 күнүгэр Тиит Арыы олохтооҕо Татьяна Романова халаан кэмигэр муостанан сүөһүлэрин туоратан истэҕинэ, сүөһүлэр өмүрүһэн хаһаайкаларын муустаах ууга анньыбыттара. Күүстээх тыал, сүүрүк дьахтары муостаттан ыраах көрдөрөн туран илдьэ барбыта. Дьолго, аара ааһан иһэр Григорий Лукин бэлиэтии көрөн, тимирэн иһэр дьахтары быыһыы ыстаммыта.
