Киир

Киир

Хоруона хамсыгын утары охсуһар Өрөспүүбүлүкэтээҕи суһал ыстаап киинэ иһитиннэрбитинэн, олунньу бастакы-иккис күннэригэр Мииринэйгэ 147 киһи ыарыйда. Ааспыт тохсунньу ыйыгар, барыта 565 киһи хоруона хамсыгар ылларда. Маны учуоттаатахха, Мииринэй оройуона уодаһыннаах дьаҥ тарҕаныытыгар соччото суох балаһыанньалаах. Онон, Мииринэйгэ ДЮСШ дьиэтигэр амбулаторнай киин аһыллыбыта оруннаах буолла. Бу киин баара-суоҕа иккис күнүн үлэлиир. Туох баар тумуулаабыттар, кыраадыстаахтар, сөтөллөн Кинилэр хахсыйааччылар амбулаторнай кииҥҥэ бараллара ирдэнэр. Манна тумуу сотору ааһыа диэн алы гымматтар. Бу тумуу эрэ буолбакка, хоруона хамсыгын биир көрүҥэ буолуон сөп. Онон, ыалдьыбыт дьон пааспардаах, снилстаах, омс-таах ДЮСШ дьиэтигэр (автобаза утары турар) уталыппакка бараллара наада. Дьон итиннэ тиийиэх иннинэ, амбулаторнай киин call-киинигэр эрийэн булгуччу суруйтарыахтаах. Манна волонтердар үлэлииллэр. Оттон 60-тан үөһэ саастаахтар амбулаторнай кииҥҥэ бараллара наадата суох. Кинилэр төлөпүөнүнэн биллэрдилэр да, эмчиттэр биригээдэлэрэ дьиэлэригэр тиийиэхтэрэ.

Станислав Алексеев. Мииринэй куората. МЦРБ саайтыттан фото.

Тарҕат:

Санааҕын суруй