Арассыыйаҕа, бу сыл кулун тутар 1 күнүттэн, дойду бары эрэгийиэннэригэр киһи өлбүтүн туһунан электроннай туоһу суруктары биэрэр буолуохтара. Маннык уураахха дойду премьер-миниистирэ Михаил Мишустин илии баттаабыт.
Электроннай докумуон олоххо киириитэ булгуччулаах буолуоҕа. Мэдиссиинэ тэрилтэлэрэ киһи туохтан сылтаан өлбүт биричиинэтин Доруобуйа харыстабылын информационнай систиэмэтигэр киллэриэхтэрэ, онтон ол ыйбыт көрдөрүүлэрэ гражданнар туруктарын учуоттуур акт суруктарын Биир кэлим судаарыстыбаннай эрэйиэстиригэр, Росстакка уонна да атын биэдимистибэлэргэ киириэхтэрэ.
«Российская газета» биллэрэринэн, өлбүттээх дьон киһи өлбүтүн туһунан туоһу суругу ханна даҕаны көрдөрбөт буолуохтара. Билигин ол туоһуну ЗАГС тэрилтэтигэр бэлиэтииллэригэр анаан аҕалаллар.
Олунньу 7 күнүгэр, «Ведомости» Госдумаҕа кэпсэппит киһилэрин этиитигэр сигэнэн уонна дойду бэрэсидьиэнин салалтатын чугас источнигар тирэнэн, дьокутааттар Арассыыйаҕа похоруона дьыалатыгар аналлаах сокуон саҥа бырайыагын бэлэмнии сылдьаллар эбит. Субу манан, киһини көмүүнү госуслуга оҥоруохтаахтар.
«Ведомости» этэринэн, бу саҥа уурааҕынан, урбаанньыттар уонна юридическэй тэрилтэлэр похоруона дьыалатын үлэһититтэн анал көҥүлү ылан баран, киһини көмүүнү тэрийэр буолуохтара. Маныаха, маннык көҥүлү эрэгийиэн «госуслуги» бартаалыттан ылыахтара.
