Вячеслав Анатольевич ШТЫРОВ, СӨ иккис бэрэсидьиэнэ:
– Саха сирин бары олохтоохторун САССР төрүттэммитэ сүүс сыллаах үбүлүөйүнэн эҕэрдэлиибин!
Хаһан даҕаны сыалгыт ортотугар тохтоон хаалбаккытыгар, өссө даҕаны инникитин үрдүктэн үрдүк үктэллэргэ хардыылаан иһэргитигэр, бэйэҕитигэр эрэллээх буоларгытыгар, ыччаттарга үгүс үөрэҕи баһылыыргытыгар, өрөспүүбүлүкэҕитигэр туһалаах исписэлиис буола үүнэргитигэр-сайдаргытыгар баҕарабын. Сиппэтэх – ситиэхтээх, сиппит – сайдыахтаах!
Саха сирин олохтоохторун үлэҕэ дьулуурдара, билиилэрэ-көрүүлэрэ өрөспүүбүлүкэ инники социальнай-экэнэмиичэскэй сайдыытыгар төһүү күүс буолуоҕа диэн бүк эрэнэбин! Кэлэр кэнчээри ыччаппыт улуу убайдарбытынан, биһигинэн, эһигинэн өрүү киэн тутта сылдьыа.
