Бүгүн Бырабыыталыстыба Дьиэтин иннигэр урбаан уонна инвестициялаах сайдыы миниистирин Антон Сафроновы өйүүр баннеры ыйаатылар. Баннер чаас да курдук турбата, ылан кэбистилэр.
Баннерга «Народный глава Айсен [Ил Дархан э.т. Айсен Николаевы эппиттэр], не иди против бизнеса. Оставь Сафронова министром», — диэн суруллубут.
Санатар буоллахха, бэҕэһээ ФСБ Сафроновы бэрэбиэркэлээн саҕалаабыта. Кинини тас дойдуга олорорго көҥүллэнэргэ докумуоннааҕын соруйан кистээбитин иһин уорбалыыллар. Сафронов Канадаҕа олорорго көҥүллээҕин, ол эрээри бырабыыталыстыбаҕа үлэҕэ киирэригэр ол туһунан ыйыппатахтарын эппитэ.
