Киир

Киир

Ол курдук, эһиги болҕомтоҕутугар тахсаллар Дьокуускай куораттан Анатолий Петров, Мэҥэ-Хаҥаластан Сыымаҕыттан Дмитрий Захаров уонна Нам Таастааҕыттан Софья Михайлова саха ынаҕын туһунан айымньылара:

Сахам ынаҕа барахсан,

Үйэлэри уҥуордаан,

Олохпутун өлбөөрдөн,

Омукпутун ааттатан.

Сайын куйаас салгыны,

Кыһын тымныы туманы,

Торулуччу көрөҥҥүн,

Тулуйаҥҥын кэллэҕиҥ!

Үрүҥ илгэ бэлэхтээн,

Сыалаах арыы уунаҥҥын,

Быйаҥ эти биэрэҥҥин,

Кыһарҕаны аһартыҥ.

Кыракыйын көрүмэҥ,

Абыраабыт аналлаах,

Кынчарыйан ылымаҥ,

Махталбытын аныаҕыҥ!

Анатолий.Хампа.

Анатолий Прокопьевич Петров,  Дьокуускай куорат, тыа хаһаайыстыбатын исписсэйэлииһэ.

 

Саха ынаҕа

Айылҕабыт айдаҕа

Тымныы сири тулуһар

Анаан кини биэрдэҕэ

Тыйыс тымныы дойдубар

Кыра, бээгэй атахтаах

Сахам сирин ынаҕа

Кырыа кыһын аргыстаах

Саадьаҕайкаан ынаҕым

Күнүн аайы таһырдьа

Сылдьарыгар кыһаммат

Кини түүтүн хойуута

Тымныы тыалы киллэрбэт

Мыкыгыркаан муостардаах

Кылгастыыра тыстардаах

Мычыллыбыт сүүстэрдээх

Кылгас хойуу түүлэрдээх

Этэ эмиэ туһалаах

Тымныыны тулуһарга

Элбэх сэниэ эбэрдээх

Тыаҕа, булка сылдьарга

Тириититтэн таҥаска

Имитэннэр тутталлар

Тирии эмиэ да быаҕа

Имитиллэн эрдэҕэ

Үүттэн элбэх туһалаах

Араас аспыт оҥоһуллар

Үүппүт эмтиир суолталаах

Ааһар элбэх ыарыылар

Күөрчэх, сүөгэй, суораппыт

Оҥоһуллар үүт астан

Кымыс, арыы, быырпахпыт

Оҥоһуллуо ол үүттэн

Саадьаҕайкаан баар буолан

Олох суола арыллар

Саха дьонун абыраан

Олохторун чэпчэтэр

Захаров Дмитрий Дмитриевич,  15.03.2021 сыл

Мэҥэ- Хаҥалас, Сыымах.

 

Алаас мунур тойоно - «Таатта»

Төрүт удьуору ууһатар

Алаас муҥур тойоно:

Модьу-киппэ таһаалаах,

Быччыҥ - быччыҥа өрө күүрбүт,

Булгуруйбат суон моойдоох,

Киһи эрэ саллыах курдук,

Саллайбыт улахан төбөлөөх,

Кэтит сүүһүн аннынан,

Хааннаах өһөх хараҕынан,

Дьүккүччү көрөр суостаахтык,

Суон сураҕырбыт, албан аатырбыт,

Атыыр  оҕус ааттааҕа -

"Таатта" баар эмиэ биһиэхэ,

Талба мааны Таастаахха.

Алаас минньигэс  күөх отунан,

Сайын аайы күндүлэнэн,

Үөр сүөһүтүн кэтиир-маныыр,

Аргыый а5ай алтахтыыр,

Аат харата хааман басхалдьыйар,

Арыт,сылайбыт аатыран,

Сытан ,Таатта сынньанар.

Чочумча буолаат,ойон тураат,

Муҥура биллибэт  бу киэҥ дуолаҕа,

Ким хаһаайынын биллэрэрдии,

Ис- иһиттэн  иччилээхтик,

Иҥсэлээхтик  иҥэрсийиэ,

Киhи куйахата кууруехтуу

Өрө уhууруо хатаннык.

Урулус- тирилис көрөн- истэн,

Төттөрү- таары сүүрэкэлээн,

Сири хаһан бурҕаҥнатар,

Буору табыйан ыһыллаҥнатар...

Халлаан диэки хайыhан, 

Айаатаан айгыстан илгистэр,

Итиччэни истээт,

Күөн көрсө, курэс былдьаһа,  

Мин аҕай диэбиттии,

Өрө ыһыллаҥнатан,

Атын атыыр оҕус аттыгар

Өрө сүүрэн кэллэ утары...

Хабыр киирсии саҕаланар...

Эмиэ да дьулаан көстүү,

Эмиэ да эриэккэс  көстүү...

Төрүт удьуору ууһатар чиэс,

Ким кыайбыкка бэриллэр,

Тыҥааһыннаах  киирсиигэ

"Таатта" оҕус бастаан тахсар!

 Күрэс түмүгүнэн оччотугар,

Төрүт удьуору ууһатар чиэс,

"Тааттаҕа"сүктэриллэн,Таастаахха, 

Өбүгэбит сүдү баайа - 

Саха сүөһүтэ дэлэйэр!

Михайлова Софья, Нам,  Таастаах 2021с.

 

 

 

Тарҕат:

Сэҥээриилэр

Артамонов Виталий Як
0 Артамонов Виталий Як 18.03.2021 20:41
Сахам ынаҕа

Былыргы ол быдан дьыллартан
Омукпут *Саргытын* түстээбит ,
Хойуу- үүт,өлгөм эт быйаҥнаах
Сахабыт ынаҕа айхаллан!

Хос ырыата

Аламай Мылахсын Айыылаах
Эстэ, быста - быста салҕанан ,
Саха төрүт удьуор ынаҕа
Чэчирии,тэнийэн Эн үөскүүй.

Өбүгэ үгэһин утумнаан
Бор саха ынаҕын ииттэбит.
Хороҕор муостааҕы арчылаан
Сахабыт ынаҕын туойабыт.

Хос ырыата

Сайылык аайытын айаатыыр
Садьаҕай эп - эриэн оҕустаах
Ичигэс хойуу түү эркиннээх
Сахам дьиҥ боруода ынаҕа .

Хос ырыата

Томороон тымныыга тулуурдаах
Ураанхай бу дьоҕус ынаҕа
Тыйыс муус болгуо дойдубар
Сайдан,үксээн иһиий барҕара!

Хос ырыата.

Бэйдиҥэ.Уус алдан.
Ответить

Санааҕын суруй