Саха норуота сөбүлээн ааҕар поэтессата, суруйааччы Наталья Михалева - Сайа Саха Өрөспүүбүлүкэтин норуодунай суруйааччыта үрдүк аакка тигистэ. Маныаха туһааннаах ыйаахха Ил Дархан Айсен Николаев бүгүн илиитин баттаата.
Саха литэрэтиирэтин, култууратын, ускуустубатын сайдыытыгар өр кэмҥэ сыралаах үлэтин иһин, "Саха" НКИХ суруналыыһыгар, норуот таптаан ааҕар суруйааччытыгар Наталья Михалеваҕа - Сайаҕа бу үрдүк наҕараада туттарылынна.
Сайаҕа бу үрдүк ааты иҥэрии туһунан норуот туруорсубута ыраатта, аһаҕас сурук таһаарбыттарын биһиги бэчээттэн турабыт. Санатар буоллахха, соторутааҕыта Сайа "Уйгур" диэн кинигэтин сүрэхтээбитэ.
Наталья Владимировнаҕа уонна кини сүгүрүйээччилэригэр бу чахчы кэтэһиилээх наҕараада тиксибитинэн ис сүрэхпититтэн эҕэрдэлиибит!
Сэҥээриилэр
тутар - суруйар талаанын барара сайда турдун!!
Мин санаабар наьаа ер кууттубут. Эн дьиннээх норуот суруйааччыта буолагын. Ер сыллаах улэн сыаналаммытыгар уерэбин, ессе да суруйа-айа тур.
Айар суолуц арылла туруохтун!!! Норуотуц таптала Эн айар улэ5ин кынаттаатын!!! Этэццэ, санаа хоту, Алгыс хоту эрэ буола туруохтун - барыта!!!
1970с, СГУ. РО-70-В аатыттан үөрүүбүн тиэрдэбин!
Соторутааҕыта тахсыбыт "Уйгур" сэһэнин олус долгуйан ааҕан, группабытыгар ырыппыппыт, сүрэхтэниитин көрөн улаханнык астыммыппыт...
Сайабытыгар бары үтүөнү баҕарабыт!!!
Доруобай буолан өссө да үрдүк аартыктаргын дабайа сырыт!!!