Саҥа талыллыбыт Дьокуускай куорат баһылыга Сардаана Авксентьева Владимир Федоровы бастакы солбуйааччытынан аныаҕа. Бу туһунан кини социальнай ситимнэргэ суруйда.
“Мин бастакы солбуйааччыбынан Владимир Федоров буолуоҕа. Биһиги олоҕуран хаалбыт чунуобунньук оруолун толоруо суохпут, куорат олохтоохторун тустарыгар үлэлиэхпит. Биһигиттэн кэтэспит эрэлгитин хайдах кыалларынан толоруохпут. Быыбар кэннэ куорат иһийдэ, биһигиттэн саҥаны, сонуну, эрэли кэтэһэллэр. Бу күнтэн саҕалаан ол туһугар үлэлиэхпит, эһиги эрэлгитин түһэн биэриэ суохпут”, — диэн Авксентьева суруйбут.
Сардана Авксентьева дуоһунаһыгар официальнайдык балаҕан ыйын 17 күнүгэр киириэҕэ. Онооҥҥу диэри кини ититиини биэриигэ болҕомтотун күүскэ уурарын эттэ. Маны таһынан, кини быыбар иннинээҕи былаанын тиһэҕэр тиэрдэр баҕалаах. Ол куорат бүддьүөтүгэр, ДьУоХХ уонна үлэ бэрээдэгэр уонна аһаҕас буолуутугар сыһыаннаах.
