Балаҕан ыйын 17 күнүгэр Сайсары түөлбэтигэр аныгылыы тутуулаах «Абырал» хочуолунай үөрүүлээх аһыллыыта буолла.
Тэрээһиҥҥэ Саха сирин ДьУоХХ уонна энерктикаҕа миниистирин солбуйааччыта Виталий Руфов, Дьокуускай баһылыгын бастакы солбуйааччытын быстах кэмҥэ толорооччу Дмитрий Садовников, АО «Теплоэнергия» генеральнай дириэктэрэ Максим Трофимов, ООО «Техсервис» дириэктэрэ Василий Захаров, ООО «Эрчим» дириэктэрэ Николай Родионов уонна түөлбэ олохтоохторо кытыннылар.
«Абырал» хочуолунай тутуута өссө сайын саҕаламмыта. «Техсервис» хампаанньа бэдэрээтчиттээбитэ.
«Саҥа хочуолунай кварталлары эрэллээхтик өр кэмҥэ сылытыа», - диэн Дмитрий Садовников бэлиэтээн эттэ.
Эрдэ бу хочуолунайга 1,9 мегаваттаах икки хочуол турбут буоллаҕына, билигин 2 мегаваттаах хочуол турда.
Быйыл бу хочуолунайга инбэлиит оҕолор кииннэрэ, «Абырал» санаторий, элбэх кыбартыыралаах дьиэлэр уо.д.а. дьиэлэр холбононнор, хочуолунай кыамтатын улаатыннардылар.
Якутск.рф