Дьокуускайга игирэлэр бастакы өрөспүүбүлүкэтээҕи бэстибээллэрэ буолан ааста. Манна Уус-Алдантан, Намтан, Хаҥаластан, Орто Халыматтан, Чурапчыттан, Тааттаттан, Бүлүүттэн, Мэҥэ-Хаҥаластан уонна Дьокуускай куораттан 14 паара игирэлэр кыттыыны ыллылар.
Күрэскэ бастаан бэйэлэрин билиһиннэрдилэр онтон сахалыы, авангарднай уонна киэһээҥҥи көстүүмнэрин көрдөрдүлэр. Ону таһынан, сөбүлүүр дьарыктарын туһунан кэпсээтилэр, ыллаатылар-туойдулар, үҥкүүлээтилэр. Ийэлэрин кытта тахсыылара көрөөччүлэри ордук долгутта.
Бэстибээл түмүгүнэн кыайыылаахтарынан Айза уонна Айна Седалищевтар буоллулар. Кыргыттар Уус-Алдан улууһун Лөгөй орто оскуолатын ахсыс кылааһын үөрэнээччилэрэ. Кинилэр игирэлэр икки ардыларыгар көстүбэт эрээри олус күүстээх ситим баар диэн кэпсииллэр. “Игирэ буолан төрүүр дьол. Тоҕо диэтэххэ, аттыгар куруук чугас киһиҥ, доҕоруҥ баар”, – диэн этэллэр.
Оттон “Дьон биһирэбилэ” номинация хаһаайыттарынан Святослав уонна Борислав Колесовтар буоллулар. Уолаттар Орто Халыма улууһуттан төрүттээхтэр. Билигин култуура уонна ускуустуба колледжыгар үөрэнэллэр.
СИА
