Соҕуруу Кэриэйэттэн “Bespin Global” хампаанньа салайааччылара уонна СӨ Бырабыыталыстыбатын бэрэссэдээтэлэ Владимир Солодов инникитин бииргэ үлэлиир туһунан кэккэ боппуруостары дьүүллэстилэр.
Хампаанньа Саха сиригэр офис арынар былааннаах. Онно үлэһиттэри сүүмэрдииргэ ХИФУ иһинэн академия арыйары туруорсар. Бу академия сүрүн соруга, хампаанньа идэтийбит ирдэбиллэригэр эппиэттиир үлэһиттэри бэлэмнээн таһаарыы буолар. Онно үөрэммиттэр квалификационнай тургутууна ааһар буолуохтара.
“Bespin Global хампаанньаны кытта үлэлээтэхпитинэ IT эйгэтигэр үрдүк хамнастаах үлэ миэстэлэрэ тахсыахтара уонна сайдыы барыа этэ”, – диэн Владимир Солодов эттэ.
