Муус устар 18 күнүгэр ХИФУ устудьуоннарын түмсүүтүн көҕүлээһининэн “Чистая память” диэн аахсыйа ыытылынна. Манна 600 тахса устудьуон Дьокуускай куорат 70 пааматынньыгын ыраастаатылар.
Бу туһунан аахсыйаны тэрийээччи, устудьуоннар түмсүүлэрин кытта үлэлиир исписэлиис Александр Румянцев маннык кэпсиир: “ Бу аахсыйа муус устар 18 күнүгэр бэлиэтэнэр пааматынньыктар уонна историческай миэстэлэр Аан дойдутааҕы күнүгэр анаан ыытылынна. Пааматынньыктар куорат эрэ буолбакка бүтүн өрөспүүбүлүкэ, дойду култуурнай нэһилиэстибэтин сорҕото буолар. Устуоруйаны үйэтитэр аналлаах оҥоһуллубут ускуустуба айымньыта, куруук ыраас буоларын ситиһиэхтээхпит”.
