Киин куоракка Жорницкай уулуссаҕа турар “Сунгари” кытайдар эрэстэрээннэрэ криминалы ордук күөттүүр сынньалаҥ сиринэн билиннэ.
Соторутааҕыта “Сунгарины” кытары ыаллаһа олорор олохтоохтор борокуратуураҕа “бэрэбиэркэлээҥ” диэн модьуйуу суругу ыыппыттар. Куорат борокуратуурата олохтоохтор санааларынан бэрэбиэркэни ыытар.
Ис дьыала министиэристибэтэ этэринэн, бу эрэстэрээн куорат саамай дьалхааннаах, криминалы күөттүүр, итирик дьон охсуһар, мустар сирдэрэ буоларын бигэргэтэр. Ол курдук, бу сылга ити эрэстэрээнтэн 82 ыҥырыы киирбит, 11 холуобунай дьыала тэриллибит.
