Балаҕан ыйын 13-15 күннэригэр “Кружало” атыы-эргиэн эрээттэригэр, “Якутия Экспо-2019” диэн эрэгийиэннэр икки ардыларынааҕы IV универсиальнай бырамыысалынас быыстапка-дьаармарката буола турар. Манна дойду 14 эрэгийиэниттэн тэрилтэлэр кыттыыны ылаллар. Онон куорат олохтоохторо уонна ыалдьыттара араас бородууксуйаны оҥорон таһаарааччы сыанатынан атыылаһыахтарын, ону таһынан, араас аахсыйаларга, маастар-кылаастарга кыттыахтарын сөп.
“Быыстапка-дьаармаркаҕа дойду 14 эрэгийиэнэ кыттар. Сорохтор Саха сиригэр бастакытын ыалдьыттыыллар. Кинилэр сүрүн соруктара диэн, оҥорон таһаарар бородууксуйаларын билиһиннэрии буолар”, — диэн Эргиэн бырамыысыланнай палаата үлэһиттэрэ иһитиннэрэллэр.
Дьаармаркаҕа урбаанньыттар саҥа килийиэннэри, партнердары булар кыахтаналлар уонна үөрүйэх атастаһаллар. Ыалдьыттар оҥорон таһаарар технологияларын туһунан кэпсииллэр.
