Алтынньы 21-25 күннэригэр Дьокуускайга, “Урбаанньыт ийэ” диэн урбаанынан дьарыктанар ийэлэргэ аналлаах бэрт интэриэһинэй бырайыак ыытылынна. Сүрүн спонсорынан “Открытие” баан буолла.
Бырайыак кыттыылаахтара биэс күн устата араас лиэксийэлэри иһиттилэр, маастар-кылаастары көрдүлэр. Ону таһынан, бэйэлэрин бырайыактарын оҥордулар, урбаанньыттартан сүбэ-ама ыллылар, юридическэй уонна нолуок систиэмэтин туһунан элбэҕи биллилэр.
Түмүккэ биисинэс-бырайыак куоҥкуруһа буолла. Манна кыттааччылар дьүүллүүр сүбэҕэ биисинэс-идиэйэлэрин көмүскээтилэр. Ол түмүгүнэн “Крафт”мастарыскыай хаһаайката Ньургуйаана Петрова кыайыыны ситистэ уонна 100 тыһ солк наҕараадаланна. Кини бу бырайыагынан номнуо дьарыктана сылдьар онон бу харчынан үлэтин улаатыннарар кыахтаах.
