Өрөспүүбүлүкэтээҕи искэн ыарыытын диспансера уонна ХИФУ бииргэ үлэлиир туһунан сөбүлэҥи түһэристилэр. Ол түмүгүнэн мэдиссиинэ үнүстүүтүгэр искэн ыарыытын хаапыдыратын арыйар туһунан быһаарыныы ылыллыбыт. Бу туһунан диспансер пресс-сулууспата иһитиннэрэр.
Бу хаапыдыраҕа устудьуоннар искэн ыарыытын дириҥэтэн үөрэтиэхтэрэ. Ону таһынан, диспансеры кытта наунай чинчийиилэри оҥоруохтара. Хаапыдыра салайааччыта мэдиссиинэ билимин доктора, профессор, СӨ үтүөлээх бырааһа, үрдүкү оскуола бочуоттаах үлэһитэ, СӨ судаарыстыбаннай бириэмийэтин лауреата, онкосулууспа бэтэрээнэ Иванов Петр Михайлович.
