“Якутскэкосети” ХЭТ “Туһалаах буочукалар” диэн аахсыйаны ыытар.
Сэтинньи 22 күнүгэр “Якутскэкосети” ХЭТ Автодорожнай уонна Гагаринскай уокуруктарга алта чааһынай дьиэлэргэ, кытаанах бөҕү-саҕы харайарга аналлаах, чаҕылхай өҥнөөх буочукалары туруорда. Бу аахсыйаны олохтоохтор олус сөбүлээтилэр.
Аналлаах буочукаларга ордук элбэх оҕолоох ыаллар, биэнсийэлээх уонна доруобуйаларыгар хааччахтаах дьон наадыйаллар этэ.
“Якутскэкосети” тэрилтэ тимир буочукалары “иккис тыыннаан” туруорда. Санатар буоллахха, пилотнай бырайыак чэрчитинэн Автодорожнай уонна Гагаринскай уокуруктарга чааһынай дьиэлэртэн кытаанах бөҕү-саҕы хомуйар аналлаах тиэхиньикэ үлэлиир. Ахсынньы 1 күнүттэн бу бырайыак Строительнай, Сайсаар уонна Киин уокуруктары хабыахтаах.
“Якутскэкосети” ХЭТ пресс-сулууспата, yakutia24.ru/
