2020 сылтан киин куораппыт оптуобустарыгар 5-11 кыл. үөрэнээччилэрэ босхо айанныыр буолуохтара.
Маныаха куорат эһиилги бүддьүөтүгэр эбии үбү көрбүттэр. Бу туһунан Дьокуускай мээрин бастакы солбуйааччы Максим Трофимов эттэ.
“Эһиилгиттэн куорат 5-11 кыл. үөрэнээччилэрэ оптуобуска босхо айанныыр буолуохтара, онуоха биһиги 35 мөл. солк. бүддьүөккэ эбии көрдүбүт. Уопсай бүддьүөт таһымыгар ити кыра харчы да буоллар, бу үп куорат сорох араҥатыгар олус туһалаах буолуо диэн саарбахтаабаппыт”, - диэн мээри солбуйааччы быһаарар.
