Академик В.П. Ларионов аатынан “Инникигэ хардыы” XXIV научнай кэмпириэнсийэ түмүктэннэ. Ол туһунан СӨ үөрэх уонна наука министиэристибэтин пресс-сулууспата иһитиннэрэр.
Ол курдук, улуустааҕы түһүмэхтэргэ 10 тыһ тахса үөрэнээччи кыттыыны ылбыт. Олортон өрөспүүбүлүкэтээҕи кэмпириэнсийэҕэ1260 оҕо кыттыбыт. Оҕолор үлэлэрин 400 тахса эксперт сыаналаабыт. Ол түмүгүнэн 34 лаурет уонна 1,2,3 истиэпэннээх дипломаннар наҕараадаланнылар. Бүтүн Арассыыйатааҕы уонна норуоттар икки ардыларынааҕы кэмпириэнсийэлэргэ 274 бырайыак мэктиэлэммит.
Үөрэнээччилэри СӨ үөрэх уонна наука миниистирэ Владимир Егоров эҕэрдэлээтэ: “Манна саамай талааннаах уонна туруоруммут сыалларын ситиһэр оҕолор муһуннулар. Онон, эһиги бары кыайыылаахтар буолаҕыт. Кэмпириэнсийэ түмүгүнэн ылбыт билиигит инникитин идэҕитигэр күүс-көмө буолуо диэммин эрэнэбин”.
