Өрөспүүбүлүкэ балыыһалара мэдиссиинэ аныгы тиэхиньикэлэринэн хааччыллаллар. Бу туһунан 2-с №-дээх өрөспүүбүлүкэтээҕи балыыһа пресс-сулууспата иһитиннэрэр.
Ол курдук, бу соторутааҕыта Дьокуускайдааҕы оҕо инфекционнай балыыһата саҥа мобильнай рентген-аппарааты ылбыта. Оттон бу күннэргэ ИВЛ аппараата кэллэ.
“Бу “Leoni Plus” диэн ИВЛ аппараата саҥа төрөөбүт, 30 кг ыйааһыннаах уонна 500 гр ыйааһыннаах итэҕэс төрөөбүт оҕолорго аналлаах. Аппараат үрдүк частоталаах вентиляциялыыр эрэсиимнээх. Маннык функциялаах аппараат биһиги балыыһабытыгар суох этэ. Онон бу соҕотох аппараат буолар. Ону таһынан, экспертнэй кылаастаах өссө үс аппараат баар”, – диэн анестезиология уонна реанимация салаатын сэбиэдиссэйэ Ольга Степанова кэпсиир.
