М.К. Аммосов аатынан ХИФУ мэдэссиинэ института саҥа дьиэлэниэ.
Ол курдук, Дьокуускай куорат 68-с кыбаарталыгар тутуллуохтаах эбийиэги бырайыактыырга тендер биллэрилиннэ. Тендер кыайыылааҕын кытта 26 мөл солк суумалаах хантараак түһэриллиэҕэ. Үбүлээһин федеральнай бүддьүөттэн уонна тас бүддьүөттэн көрүллүөҕэ. Сайаапкалары ыам ыйын 28 күнүгэр диэри ылаллар. Бэс ыйын 5 күнүгэр тендер түмүгүн таһаарыахтара.
Саҥа куорпуска анатомия, фармация, физиология, гистология кафедралара, үөрэнэр кэбиниэттэр, көмпүүтэр саалата, обсерватория, телемедицинэ киинэ о.д.а. баар буолуоҕа. Ону таһынан, экспериментальнай-биологическай килииньикэ, терраса, кыһыҥҥы саад, кафе былааннанар.
