Киин куораппытыгар дьаам сүүрдээччилэргэ аналлаах сквери тутуу саҕаланна. Бу туһунан Ил Дархан иһинэн архитектура уонна куораты тутуу управлениетын пресс-сулууспата иһитиннэрэр.
Саҥа сквер Дьокуускайга Дьокуускайдааҕы епархия утары, Чернышевскай-Краснояров уулуссаларын быһа охсуһуутугар дьэндэйиэҕэ. Эбийиэк тутуллар сирин бэс ыйын 14 күнүттэн ыраастаан, бэлэмнээн саҕалаабыттар, бу атырдьах ыйын 20 күнүгэр сквери тутан түмүктүөхтэрэ. Саҥа сквергэ аттаах дьаамсык скульптурата, хачыаллардаах сынньанар сир уонна сыл устата үлэлиир дьаарбаҥка повильоннара баар буолуохтара.
