Ааспыт сылга киин куорат бүддьүөтүгэр аччыгый уонна орто урбаан тэрилтэлэрэ төлүүр нолуоктарыттан 1,95 млрд солк. үп киирбит. Бу үп ааспыт сыллааҕар 6,4 % үрдүк (1,83 млрд солк.).
Дьокуускай баһылыгын иһинэн урбааҥҥа координационнай сэбиэт бэрэссэдээтэлин солбуйааччы Ирина Котенко эппитинэн, урбаанньыттар “күлүктэн” тахсан, “киһилии” бэлиэтэнэн үлэлиир буолуохтарыттан уонна кинилэр көхтөрүнэн, куорат бүддьүөтүгэр нолуоктан киирэр үп биллэ улааппыт. “Икки сыл устата биһигини кытары үлэлэспит урбаанньыттар 10-ча % “күлүктэн” таҕыстылар. Социальнай эйгэҕэ уонна IT салаатыгар үлэлиир эдэр урбаанньыттар нолуогу төлүүллэрэ үрдээтэ” , - диир Котенко. Нолуок үрдээһиниттэн буолбакка, чуолаан, нолуокка киирии үрдээн маннык сыыппара тахсыбыт
