Дьокуускай куорат 16 олохтооҕо ыттарын уонна куоскаларын бэлиэтэппэтэхтэрин иһин административнай эппиэтинэскэ тардыллыбыттар. Бу туһунан киин куорат дьаһалтатын пресс-сулууспата иһитиннэрэр.
“Алтынньы 19 – сэтинньи 13 күннэригэр куорат быраабатын үлэһиттэрэ дьиэ кыылларын бэлиэтээһин төһө тутуһулларын бэрэбиэркэлээн 55 эриэйдэни ыыппыттар. Куоскаларын уонна ыттарын бэлиэтэппэтэх дьону 1,5 тыһ. солк. дылы ыстырааптыыллар, оттон дуоһунастаах дьону – 4 тыһ. солк дылы, юридическэй сирэйдэри – 5-10 тыһ. солк. ыстырааптыыллар. Уопсайа эриэйдэ кэмигэр 224 ыт уонна 45 куоска бэлиэтэммитэ быһаарыллыбыт”, - диэн иһитиннэриигэ суруллар.
