Киир

Киир

Үгэс буолбут куораттааҕы планеркаҕа ааспыт нэдиэлээтээҥҥи оперативнай сводканы билиһиннэрдилэр.

Ол курдук, тохсунньу 18-24 күннэригэр 11 баһаар тахсыбыт. Дьолго, улахан уот турбатах, ким да өлбөтөх, эмсэҕэлээбэтэх. Былырыын баччаларга 60 баһаар турбут эбит буоллаҕына, быйыл 40 бэлиэтэммит. Баһаар суоһаабатын бэрэбиэркэлээн 7 былааннаммыт уонна биир былааны таһынан үлэни ыыппыттар.

Ааспыт нэдиэлэҕэ 14 буруйу оҥоруу тахсыбыт. Онтон уонун арыйбыттар. 5 ордук ыар буруйу оҥоруу тахсыбытын тута арыйбыттар. Бу иннинэ 32 буруйу оҥорууттан 14 уорууну, 1 массыынаны күрэтиини, 1 саба түһүүнү, 5 түөкүннээһини, 2 экэниэмикэҕэ сыһыаннаах буруйу оҥорууну уонна 9 атын буруйдары арыйбыттар. Полиция үлэһиттэрэ 42 буруйу оҥорбут дьону тутан быһаарбыттар: урут сууттана сылдьыбыт 13 киһини, 7 дьахтары, урут ирдэбилгэ сылдьыбыт 2 киһини туппуттар. 4 киһи сураҕа суох сүппүттэрин туһунан сайабылыанньа киирбит. Ааспыт нэдиэлэҕэ сүппүт дьону холбоон туран, 6 киһи ханна сылдьыбытын быһаарбыттар. 6 киһи туох да кириминээл дьайыыта суох өлүгүн булбуттар, 3 киһи бэйэтигэр тиийиммит. “Перехват” былаан биллэриллэн, биир күрэтиллибит массыынаны сырсан туппуттар.

Ааспыт нэдиэлэ устатыгар 1558 административнай боротокуорлу толорбуттар, анал приемникка 23 киһини аҕалан хаайбыттар, тохсунньу 24 күнүгэр приемникка 22 киһи сытара. ИВСка 6 киһини хаайбыттар, биир киһинисуут уурааҕынан тутан хаайбыттар. Мааска эрэсиимин тутуһарга 765 бэсиэдэни ыыппыттар, 89 боротокуолу толорбуттар. 3 294 боротокуолу суут көрбүт.

Тырааныспар полицията ааспыт нэдиэлэҕэ 17 буруйу оҥоруу тахсыбытын иһитиннэрэр. Ол иһигэр дьон баайыгар сыһыаннаах – 3, салайыыны утары – 11, биир наркотигы эргитиигэ уонна 2 сэрии сэбин эргитиигэ. 209 административнай буруйу оҥоруу тахсыбыт: арыгы сокуону кэһии – 54, кыра күлүгээннээһин – 4, тырааныспарга бэйэ бодотун туттуммат буолууга – 6, миграция сокуонун кэһиигэ – 5, ЧС быраабылатын кэһиигэ – 86 быраабыланы кэһии.

Ааспыт нэдиэлэҕэ 54 суол саахала тахсыбыт, онтон 8-гар дьон эмсэҕэлээбит. 13 киһи эчэйбит. 1025 суол быраабылатын кэһии бэлиэтэммит, 13 киһи итирик туруктаах уруулга олорон тутуллубут.

Тулалыыр эйгэни харыстыыр кэмитиэт өрөбүллэргэ эриэйдэлэри оҥорон 6 убаҕас бөҕү сокуоннайа суох сүөккээбиттэрин булбут.

Киин куоракка хамсык саҕаланыаҕыттан 16919 киһи коронавирустаабыт. Ааспыт сууккаҕа 44 киһи эбии ыалдьыбыт, ол иһигэр 4 оҕо. Хамсык куоракка тарҕаныыта бэлиэтэнэр: уонча күннээҕитэ 71 киһи бэлиэтэммит этэ.

2023 киһи тумуулаабыт.

Тарҕат:

Санааҕын суруй