Бу сарсыарда Дьокуускайга Шевченко уулуссаҕа турар икки этээстээх мас дьиэҕэ баһаар таҕыста.
Баһаарынайдар тиийэллэригэр иккис подъездка баар кыбартыыра уотунан күүдэпчилэнэ турбут. МЧС үлэһиттэрэ 10 киһини эвакуациялаабыттар. Баһаар түмүгэр бастакы этээскэ кыбартыыра уонна иккис этээскэ икки кыбартыыра уонна дьиэ сарайа умайбыт, уопсайа 100 кв.м. эмсэҕэлээбит. Хомойуох иһин, миэстэтигэр биир киһи өлүгэ булуллубут, билигин өлүк кимэ-туга быһаарыллар. Миэстэтигэр МЧС дознавателлэрэ, силиэдэбэтэллэр уонна криминалистар үлэлииллэр.
Сайсары уокуругун управлениетыгар баһаартан эмсэҕэлээбиттэргэ көмө харчыны хомуйууну саҕалаатылар. Миэстэтигэр мээр эбээһинэһин солбуйааччы Евгений Григорьев тиийбит, сотору кэминэн эмсэҕэлээбиттэр дьылҕаларын быһаарар куорат ыксаллаах быһыыга-майгыга хамыыһыйата мунньахтыаҕа.
