Киир

Киир

Ил Дархан Дьокуускай куораты 2032 сылга дылы социальнай-экэнэмиичэскэй сайыннарыыга туһуламмыт ыйааҕын толорууга, ол иһигэр киин куораппыт 400, Саха АССР тэриллибитэ 100 сыллаах үбүлүөйдэригэр бэлэмнэнии чэрчитинэн, быһа барыллаан 100 млрд солк. биэриэхтэрэ. Бу туһунан мээрийэ пресс-сулууспата иһитиннэрэр.

Ыйаах бырайыагын куорат Уопсастыбаннай палататыгар киллэрбиттэр. Мээр эбээһинэһин толорооччу Евгений Григорьев уопсастыбаннаска куорат социальнай-экэнэмиичэскэй сайдыытын тосхолуттан сүрүн хайысхалары ылан билиһиннэрбит. Олор истэригэр оҕо төрөөһүнүн улаатыннарыы, куорат эйгэтин хаачыстыбатын индексин улаатыннарыы, саҥа үлэ миэстэлэрин таһаарыы, олорор дьиэлэри тутуу, суолу тупсарыы, уһуйааҥҥа, оскуолаҕа саҥа миэстэлэри таһаарыы.

Ити тосхолу оҥорууга 7 оробуочай бэлэх үлэлээбит, онно куорат, өрөспүүбүлүкэ былаастарын бэрэстэбиитэллэрэ уонна уопсастыбанньыктар киирбиттэр. Ону бу тохсунньуга премьер Андрей Тарасенкоҕа ыыппыттар, билигин ону сөбүлэһиннэрии үлэтэ барар.

Тарҕат:

Санааҕын суруй