Дьокуускай куорат 1-гы №-дээх орто оскуолатын дьиэтигэр оҕолору үөрэттэрэри кыккыраччы бобор туһунан борокуратуура суукка модьуйуу түһэрбит.
"Бу, инньэ 1941 сыллаах тутууга, кэмиттэн кэмигэр өрөмүөн эҥин ыытыллыбакка, олох хаарбах туруктаммыт, инньэ гынан, бу сууллуон сөптөөх оскуола дьиэтигэр үөрэх хаамыытын тэрийэр кутталлаах, ханнык да ирдэбилгэ эппиэттээбэт", - борокуратуура иһитиннэрэр. Маны таһынан, оскуолаҕа олус элбэх оҕо үөрэнэр буолан, ханна да баппаттар, кэбиниэттэр, сыгынньахтанар сир таһынан барбыттар, иккис этээскэ көҕүһэттэр сир "уолаттар-кыргыттар" диэн арахсыбат, барыта уопсай. Куорат борокуратуурата мээрийэҕэ оскуоланы сабан, атын сиргэ көһөрөн үөрэттэрэргэ эппит. Бу иннинэ оскуоланы "Метелица" клиника дьиэтигэр уонна Дьокуускайдааҕы атыы-эргиэн колледжыгар (коптех) көһөрөр туһунан дьүүллэспиттэрэ.
