Дьокуускай баһылыга Евгений Григорьев бүгүҥҥү куорат дьаһалтатын мунньаҕар өрөбүллэргэ хамсык хааччахтарын күүскэ хонтуруоллуохтаахтарын туһунан тоһоҕолоон эттэ.
"Үүнээри турар уһун өрөбүллэргэ быар куустан олоруо суохтаапыт. Саататар тэрилтэлэри, эргиэн тэрилтэлэрин, уопсастыбаннай тырааныспардары хоруона хамсыгынан киллэриллибит хааччахтары төһө тутуһалларын өссө күүскэ бэрэбиэркэлиэхпитин наада. Куорат кытыытынан дьон айылҕаҕа сынньана тахсарын, шашлык астыырын эҥин көрөн бобуохха наада. Бу нэдиэлэҕэ куораттааҕы хоруона хамсыгын бохсор суһал ыстаап үлэтэ былаан быһыытынан үлэлиэҕэ", - диэн мээр эппит.
Роспотребнадзор бэрэстэбиитэлэ Георгий Игнатьев бүгүҥҥү туругунан киин куораппытыгар эбии 50 киһи коронавирустаабытын эппит. Ол иһигэр 8 оҕо ыалдьыбыт. Ааспыт нэдиэлэҕэ уопсайа 375 киһи ыалдьыбыт, ыарыы тарҕаныытын коэффициенэ 0,28.
