Ойуур уота Дьокуускай уонна Нам кыраныыссатыгар киирдэ. Билигин Маҕантан 60 км тэйиччи турар Горнай уонна Нам улууһун кыраныыссатыгар биир улахан уот турар. Ону умулларыыга 45 доброволец, 2 тыраахтыр, 1 булдьозер уонна 2 бодобуос үлэлиир.
Бу туһунан куорат мээрэ Евгений Григорьев куорат олохтоохторугар туһаайыытыгар иһитиннэрдэ. Баһаары умулларыыга мээрийэ үлэһиттэрэ уонна дьаһалтаҕа бас бэринэр тэрилтэлэр үлэһиттэрэ күргүөмүнэн тахсыбыттар. Кутталлааҕа диэн, баһаар даачаларга уонна Маҕаҥҥа киириэн сөп. Бэҕэһээ кини Маҕантан 60 км турар баһаарга сылдьан кэлбитэ. Билигин куоракка хойуу буруо Нам диэкиттэн кэлбит. Буруо арыый намыраата да, МИ-8 бөртөлүөт көтүөҕэ.Баһаар Дьокуускай кыраныыссатыгар киирдэ
