Киир

Киир

Дьокуускай куоракка халлаан туругуттан көрөн, Билии күнэ онлайн эбэтэр сирэй ыытыллыан сөп. Ол туһунан киин куорат үөрэххэ управлениетын начаалынньыга Алексей Семенов иһитиннэрэр.

“Бирикээскэ туох даҕаны чопчу хааччах киирбэтэ. Арай, бырааһынньык түһүлгэтин кэрчиктэринэн араарар туһунан этилиннэ. Судургутук быһаардахха, үөрүүлээх линьиэйкэ кэмигэр төрөппүттэр  оҕолортон туспа туруохтара, социальнай дистанцияны булгуччу тутуһуохтара. Өскөтүн балаҕан ыйын 1 күнүгэр күн-дьыл туруга куһаҕан, бырааһынньык таһырдьа ыытыллара табыллыбат буоллаҕына, тэрээһини онлайн ыытыахпыт”, -- диир Алексей Семенов.

Ити иннинэ СӨ Үөрэххэ министиэристибэтэ суруйбутунан, балаҕан ыйын 1 күнүнээҕи бырааһынньыктар уруккулуу тэриллэллэрэ көҥүллэнэр. Ол эрээри үөрэх кыһалара хамсык бары ирдэбилин тутуһуохтаахтар.

Ил Дархан Айсен Николаев “быйыл оскуола оҕолоро дьиэттэн буолбакка, уруккулуу оскуолаҕа үөрэниэхтэрэ” диэбитэ.

Быйыл Саха сирин оскуолаларыгар 148 тыһыынча кэриҥэ оҕо үөрэниэҕэ. Ол иһигэр 16 тыһыынча оҕо бастакы кылааска киириэҕэ.

Тарҕат:

Санааҕын суруй