Киир

Киир

Кэлэр биэс сылга Дьокуускай куоракка 150 тиэргэни тупсаҕай гынан оҥоруохтара. Бу туһунан мээрийэ пресс-сулууспата суруйар.

Ити туһунан мээр Евгений Григорьев Строительнай уокурук олохтоохторун кытары көрсүһүү кэмигэр эттэ. Кини эппитинэн, Дьокуускайга "Мин тиэргэним" диэн бырайыак үлэлиир, ол иитинэн кэлэр 5 сылга 150 тиэргэни тупсарыахтара.

"Быйыл Ил Дархаммыт Айсен Николаев быһаарыытынан, эбии 15 тиэргэни тупсарарга 150 мөл. солк. көрүллүбүтэ. Инньэ гынан, билигин 30 тиэргэни көҕөрдө, тупсаҕай гына оҥоро сылдьабыт. Олортон 15 тиэргэни эһиил түмүктүөхпүт. Балаҕан ыйын бүтүөр дылы 15 тиэргэни бүтэриэхпит. 2022 сылга 45 тиэргэн тупсарыллыаҕа", - диэн мээр кэпсээбит.

"Мин тиэргэним" бырайыак чэрчитинэн, Строительнай уокурукка Лермонтов уул. 23/2-23/3 уонна Лермонтов уул. 25/2 тиэргэнигэр үлэ бара турар. 2025 сылга дылы уокурукка 22 тиэргэни тупсарыахтара.

Тарҕат:

Санааҕын суруй