Бүгүн Ил Дархан Айсен Николаев Дьокуускай сайдар тосхолугар туһуламмыт ыйаахха илии баттаата. Аны уон сылынан киин куораппыт хайдах көстүүлээх буолуоҕай?
– Куорат аныгылыы сайдыытын төрүөтэ - сири уларыта тутуу. Куорат кытыытынааҕы түөлбэлэр аны куорат иһигэр киирсэн, тутуу тэтимнээхтик барыаҕа, дьоҥҥо сатабыллаах буоллун диэн инфраструктура тутуллуоҕа, күөх зоналар, сквердэр элбиэхтэрэ.
– 2025 сылтан олорор дьиэни тутууга рекорд олохтонуоҕа. Хас биирдии олохтооххо сыллата 1 кв. м. дьиэ тутуллан киириэҕэ.
– Куорат барыта уотунан сандаарыаҕа. Ититии уонна уу ситимин реновациялааһын, элбэх оҕолоох ыаллар чааһынай дьиэлэрин гаастааһын көрүллүбүт.
– Киин куораппыт туризм, урбаан уонна уустар, иистэнньэҥнэр кииннэригэр кубулуйуоҕа. Куорат историческай өттө - мас тутуулардаах Аппа уҥуор сөргүтүллүөҕэ.
– Тиэргэннэр тупсаҕай гынан оҥоруу - куорат хаачыстыбалаахтык сайдыытын биир сүрүн олуга. 150 кыбаарталлар иһинээҕи уонна 300 дьиэ тиэргэннэрэ өрөмүөннэниэхтэрэ. Күөх зона 80% улаатыаҕа.
– Өлүөнэ күргэтэ тутуллан куорат тэтимнээхтик сайдыаҕа, хаайтарыы диэн суох буолуоҕа.
– 2026 сылга Дьокуускайга 17 тыһ. үөрэх миэстэтэ уонна 5 тыһ. уһуйааҥҥа миэстэ баар буолуоҕа. Инженердэри бэлэмниир "Суперкампус" диэн үөрэх кластера арыллыаҕа.
– Доруобуйа кииннэрин тиһигэр баар буолуоҕа, оччотугар куорат хас биирдии олохтооҕун диспансеризацияннан уонна медкөрүүннэн хааччыйыахтара.
Тарҕат:
