Киир

Киир

Дьокуускай куорат баһылыга Евгений Григорьев алтынньы 15 күнүттэн саҕаланыахтаах Бүтүн Арассыыйатааҕы биэрэпис иннинэ куорат дьэллик ыттарын тутары күүһүрдэргэ сорудахтаата.

"Куорат бары уокуруктарыгар, ордук чааһынай дьиэлэр түөлбэлэригэр биэрэписчиктэр куттала суох сылдьалларыгар дьэллик ыттары тутууну күүһүрдүөххэ наада", - диэн эттэ.

Күһүн ахсын дьэллик ыт элбиир. Даачалаахтар сайыны быһа ыты оонньуур курдук оонньоон баран, даачаттан көһүүгэ хаалларан кэбиһэр идэлээхтэр. Билиҥҥитэ Дьокуускайдааҕы бэйдиэ сылдьар ыттары тутар пууҥҥа 482 ыт баар. Нэдиэлэ устата 72 ыты тутан аттаабыттар, ыраастабыттар, 42 ыкка вакцина туруорбуттар уонна 46 ыты төттөрү уулуссаҕа босхолообуттар. 39 ыт саҥа хаһаайынын булбут, билигин 51 ыты тутарга сайаапка киирбит.

Тарҕат:

Сэҥээриилэр

Anonymous
0 Anonymous 20.10.2021 21:44
Нэдиэлэ устата 72 ыты тутан аттаабыттар, ыраастабыттар

ыраастААбыттар
Ответить

Санааҕын суруй