Ил Түмэн уочараттаах пленарнай мунньаҕар "СӨ киин куоратын ыстаатыһын туһунан" сокуону бүтэһиктээх ааҕыыга ылынна. Бу сокуону Ил Дархан көҕүлээбитэ.
Саҥа сокуоҥҥа этиллэринэн, куорат салайар уорганнара боломуочуйалара кэҥээн биэрдэ. Урут өрөспүүбүлүкэ былаастарын боломуочуалара эрэ киирэ сылдьар этэ. Маны таһынан, тоҕоостоох стратегическэй докумуоннары учуоттаан, судаарыстыбаннай былаас чопчу туох боломуочуйалаах буолара быһаарыллыахтаах. Инньэ гынан, өрөспүүбүлүкэ уонна куорат былаастара сөбүлэҥ түһэрсэн, ким-туох боломуочуйалаах буолара бигэргэниэҕэ. Ол барыта куорат инфраструктурата, архитектурата уонна куораты тутуу, олорор түөлбэлэри тупсарыы сайдыытыгар, производственнай уонна реакреационнай зоналар баар буолууларыгар, куоракка экология, чөл олох тупсарыгар туһуланыллыбыт. Маны таһынан, сокуоҥҥа киин куорат функциятын үбүнэн хааччыйарга саҥа нуормалар киирбиттэр. Сотору кэминэн куорат уонна өрөспүүбүлүкэ салалталара куорат комплекснай сайдыытыгар мунньаҕы тэрийиэхтэрэ.
